Depeche Mode

Depeche Mode a zo ur strollad sonerezh elektronek hag elektropop a orin eus Basildon (Essex, Rouantelezh-Unanet). Savet eo bet gant Vince Clarke hag Andrew Fletcher e 1977, ur wech m'o o doa echu gant al lise. An daou anezho a ouie seniñ kenaozer. E 1978 e voe degemeret ur mignon all anvet Martin L.Gore, hag eñ a ouie seniñ gitar ha kenaozer, ha kanañ ivez. Ne oa kaner ebet setu ma aozjont ur seurt kenstrivadeg (casting) a-benn kaout unan. Evel-se e kavjont Dave Gahan. An triad ne soñje ket e penn kentañ e vefe Dave ar pennmouezh. Goude un nebeudig a amzer e zeas kuit Vince Clarke e 1982 evit sevel un daouad a ber amzer lesanvet "Yazoo" gant un den e anv gantañ, Alison Moyet. Padout a reas An daouad ur bloaz ha neuze goude-se e grouas Vince Clarke, ar strollad "Erasure" e lec'h emañ Vince Clarke ar pennsonaozour abaoe 1985. Da laret eo e manke d'ar strollad D-M ur sintetizeur. Met kavout ar reas ar skipailh an den a gwelaas doare ha brud ar strollad, emañ e anv Alan Wilder. Ar paotr-ze a oa barek war krouadur arzel ar sonnerezh. Mestroniañ a ra an tamboulinoù hag ar sintetizeur. Chom a reas betek 1995 e lec'h ma zeas goude da adkemer e amzer gozh a sonner e-unan war an anv eus "Recoil". Ar strollad a vod 3 ezel ennañ abaoe 1995. Da lavaret eo Martin L. Gore gant ar gitar, ar sintetizeur hag a kemer pezh a-wechoù en ur kanañ gant Dave Gahan, kaner ar strollad. Hep disoñjal Andrew Fletcher gant ar sintetizeur. Sikouret eo ar strollad ur wech an amzer gant un dambouliner yaouank a orin Aostrian anvet Christian Eigner abaoe mon kuit Alan Wilder. Christian Eigner a oa bet ebarziet abaoe unann eus sonnadek D-M en Aostria.